最後結果

搞到咁...
我相信你已經將我所有野都delete曬.
因為你話你受傷害, 唔可以原諒我.
我電話最後講o個句, 我一直都有認錯同道歉.

但係, 由你第一次開口同我講你要揀o個一刻.
我先係變成不停受傷o個個.
你話我打比你你唔聽, 留voicemail呢o的野逼到你揀人.
我覺得呢種藉口, 比起我一句鬧你o既說話更加令人難受...
你諗諗...
我o係o個個不停受傷, 不停受煎熬o既星期都從無放棄過同你講野...
即使你o個態度幾咁唔在乎, 當我無到.
我都無放棄.
點解?
你同屋xanga話我唔甘心. 應該尊重你決定.
我做唔出.
如果我一開始聽到你話要揀o個時就放手, 我都會懷疑自己有幾愛你.
呢o的所謂o既豁達, 大方
根本就係自我安慰.
當然一開始我無論做乜野, 都注定左你唔會返黎我身邊.

我只係想講. 宜家我鬧你一句.
只係俾左個機會你去完全忘記我
呢個幾星期... 我已經盡力去挽救.
雖然換唔到你o既一絲可憐, 一絲同情
不過唔緊要. 因為你根本就唔再愛我.
不過我亦知道...
我仲係愛著你.
無論呢段時間你對我做過乜...
我亦承認我之前同你一齊時犯左好多錯.
不過, 選擇係你自己作出.
以後點行, 希望你小心.
我始終都唔會想你將來遇到任何唔如意o既事.
希望你記得還有我存在.
一個直至宜家都係咁愛你o既我.